انا كنت مسيحي متشدد و كنت شماس في الكنيسة الاول كنت في الطائفة الانجيلية و بعد كدا بقيت في الطائفة الارثوذوكسية و بقيت شماس و اخدت رتبتين شموسية (ابسالطس - اغنسطس) من لما كنت طفل صغير زرعوا فينا ان الاسلام دا غلط و المسلمين دول مش على حق و كمان الجدال في الدين حرام حتى لو بين مسيحي و مسيحي طبعا بعد كدا انهم حىموا الجدال لان دا هايخلي الطرفين يفكروا و التفكير دا ممكن يخليهم يشككوا في المسيحية ، كنت بكره الاسلام و المسلمين جدا مع ان كان ليا اصدقاء مسلمين بس موضوع الدين كان خط احمر و كان اللي بيكلمني في الموضوع دا بقطع علاقتي بيه ، بدأت بعد كدا بدأت ادور في الاسلام بس علشان اثبت لنفسي ان انا صح و ان الاسلام غلط كانت عندي اعتراضات على حاجات مش فاهمها بس كل لما اسأل عليها القساوسة يقولوا املا قلبك بالايمان و انت تفهم و لما بدأت ادور في الاسلام طبعا كانت المصادر بتاعتي مصادر مسيحية و طبيعي انها تشوه الاسلام زي قناة الحياة المسيحية و برنامج سؤال جرئ اللي بيقدمه رشيد و كل البرامج اللي بتسئ للاسلام و المسلمين كنت كل مرة بشوف البرامج دي بكون مبسوط جدا و انا شايفهم بيستهزأوا بالاسلام و المسلمين و اقول جوايا فعلا المسيحية صح و كتير ناس مسلمين كلموني عن الاسلام بس ماكتش حد بيعرف يقنعني حتى 1% ان الاسلام صح بل العكس كنت لما اسألهم عن الشبهات حول الاسلام و الرسول صل الله عليه و سلم ماكنش حد بيعرف يرد عليا و دا طبعا يخليني اتأكد اني صح بس كنت بستغرب ازاي هما بيحبوا الرسول صل الله عليه و سلم بالشكل دا و بيغيروا على دينهم و اول لما تيجي سيرة الرسول صل الله عليه و سلم الاقيهم كلهم يصلوا عليه بصراحة كنت بضحك في سري و بقول ربنا يشفيهم لحد لما في يوم واحد صديقي مسلم قاللي ان والده توفى و عايزني اروح معاه دار الافتاء علشان يعرف تقسيم الميراث ايه في الاول رفضت بعد كدا رحت معاه فعلا و دخلت معاه للشيخ بس كان عنده مشكلة و الشيخ قاله احنا مش هانقدر نفيدك لازم تروح لجنة الفتوى اللي الجامع الازهر و احنا في الطريق للمسجد فكرت هو ليه الانجيل مفيش فيه قوانين لتوزيع الميراث زي القرآن و ازاي القوانين دي اتحت من اكتر من ١٤٠٠ سنة و لسه معمول بيها ، و وصلنا فعلا للازهر و احنا داخلين كانت فيه غرفة مكتوب عليها اشهار الاسلام و فيه جوا بنتين بيعملوا الاشهار اتضايقت جدا و قولت دول حد ضحك عليهم و خرجت و دخلت مع صاحبي للجنة الفتوى طبعا من كتر الكلام اللي كانوا بيقولوه كنت خايف اصلا ادخل دا كمان جنب اشهار الاسلام قعدنا مع الشيخ و صاحبي سأل على اللي عايزه و انا قاعد مستمع بس ماتكلمتش بعد لما خلصنا و خارجين الشيخ نده علينا و شاورلي قال تعال عايزك رجعت و انا قلبي واقع في رجليا قولت اكيد عرف ان انا مسيحي و هايعمل مشكلة رجعتله و قال لصاحبي خليك انت انا عايزه لوحده و سألني انت مسيحي صح قولتله ايوة قال انا شفت الصليب اللي في ايدك قولتله هو ممنوع ادخل هنا قال لا يا ابني ادخل براحتك ماحدش منعك هو حد اتعرضلك هنا قولتله لا قال و ماتخفش احنا مش بنعض ولا بنجبر حد على حاجة انا بس استغربت برغم الكلام اللي بيتقال انت دخلت عادي كدا قولتله مانكرش انا داخل خايف ولقيته بيسألني انت مقتنع بدينك المسيحي ؟ قولتله طبعا المهم بس تكون انت مقتنع بدينك الاسلامي قال يعني انت جاي و جوا الازهر و بتسأل شيخ السؤال دا طبعا مقتنع و قال ايه رأيك انا اكلمك عن الاسلام و انت تكلمني عن المسيحية و لو اقنعتك بالاسلام انا مش هاجبرك تدخل الاسلام بس لو اقنعتني بالمسيحية انا اوعدك ادخل المسيحية ، طبعا عرض مغري جدا و انا قولت انا مش هاخسر حاجة و اكيد انا اللي هاقنعه و هاهد الاسلام من اول سؤال و بدأنا فعلا الكلام و اتكلمنا في كل حاجة انا طبعا كانت دماغي مليانة بكلام رشيد بس لاول مرة لقيت حد يرد عليا رد مقنع و بدأ هو يسألني في المسيحية طبعا رديت عليه زي ما بيحفظونا في الكنيسة و اقنعني ان دا غلط بصراحة قلقت و كلامه منطقي و سألني اكتر من سؤال و قال مش هاضغط عليك جاوب على الاسئلة و اسأل في الكنيسة عندك و انت موجود هنا هات الرد و تعال و نتكلم و سبته و مشيت و انا محتار و رحت فعلا الكنيسة و دخلت للقسيس في الاعتراف و سألته اسئلة الشيخ و فهم طبعا ان دي اسئلة مسلم و انا اضطريت اكدب عليه و اقوله دا واحد صاحبي عايز يدخل المسيحية و سألني بس للاسف مالقتش رد مقنع و دخلت معاه في جدال و قال هاجيبلك كتاب يرد عليك و لحد الان ماجبش اي كتب بدأت اشك و قولت بلاش افكر بالعاطفة خليني الغي العاطفة و افكر بالعقل بس و دا مش معناه اني اقتنعت بس على الاقل خليني حيادي و رحت للشيخ تاني و حكيتله اللي حصل و كملنا كلامنا و كل مرة اقابله الاقيه بيقنعني بس الموضوع مش سهل و انا مل مرة اروح اكون شفت حلقات رشيد و اكتب اللي بيقوله و اروح اسأل الشيخ لحد لما دمر المسيحية بالنسبة ليا بس لسه مش مقتنع بالاسلام و الفترة دي كانت صعبة جدا لاني خلاص عرفت ان المسيحية غلط و في نفس الوقت لسه فيه حاجات كتير في الاسلام مش عاجباني و فضلت اقابل الشيخ دا لمدة ٦ شهور مرتين اول ٣ مرات اسبوعيا لحد لما اقنتنعت بالاسلام و رد على كل حاجة كنت شايفها وحشة في الاسلام و خلال الفترة دي بدأت ادور بحيادية و شفت مناظرات احمد ديدات كلها و دخلت على مواقع بتشرح الاعجاز العلمي في القرآن و السنه النبوية لحد لما خلاص اقتنعت بالاسلام بس لسه حاجة مخلياني متمسك بالمسيحية موضوع المعجزات بتاعة مكاري يونان و اللي بيعملوها في الكنايس بس بالصدفة بفتح اليوتيوب لقيت في وشي فيديو بعنوان احمد ديدات يرد على معجزات مكاري يونان ، بصراحة ماعرفش ليه الفيديو دا جه قدامي شفت الفيديو و من بعدها اخدت قرار ترك المسيحية و دخولي للاسلام و رحت للشيخ و نطقني الشهادتين و فضلت مسلم في السر لمدة سنة و نصف و اتعلمت اصلي و كنت بصلي في اوضتي و اقفل عليا او اروح مسجد بعيد و اصلي فيه و صومت رمضان و بدأوا في البيت طبعا يشكوا بسبب مواعيد الاكل و اني بطلت اروح الكنيسة و دايما بخرج قبل اوقات الصلاة بربع او نص ساعة و ارجع بعدها خلاهم يحسوا ان فيه حاجة و جابولي قساوسة كتير و ناس من الكنيسة و وصلت انهم يجيبوا ناس من مكتب الارشاد في الكاتدرائية و دا انا بسميهم كتيبة الاعدام علشان دول هما اللي مسئولين عن المسلمين الجدد ، بس طبعا محدش كان معاه دليل اني مسلم و كنت بزوغ منهم و بقولهم محصلش و منهم اللي كنت بسألهم اسئلة مالهاش رد و ناس منهم هددتهم اني هابلغ عنهم انهم تبشيريين و طبعا ضغوط من البيت وصلت لحد الحبس في البيت و منع الاكل عني و بعد لما عدت سنة و نص و كنت خلاص خلصت دراسة و بشتغل عملت الاشهار و بدأت اغير البطاقة و انا لسه في البيت بس علشان محدش يعرف كنت عامل بطاقتين و سلمت واحدة بس منهم و كل الاوراق دي كنت شايلهم بره البيت بعد الاشهار بفترة بسيطة كنت في سفر تبع الشغل و واحد من الكنيسة راح عندنا البيت و قالهم طلعوله شهادة ميلاد و هانعرف و طبعا طلعت بالاسم الجديد و الديانة الجديدة و لحسن الحظ اليوم دا كنت راجع من السفر و لقيت قسيس بيتصل بيا طبعا كان فاكرني في البيت قال انا عايزك تجيلي نروح مشوار لحد الكاتدرائية انا قولتله ليه انا مش فاضي اديني فكرة عن الموضوع قال والدك عملك شهادة ميلاد و لقي الاسم و الديانة متغيرين طبعا عرفت انهم عرفوا و قفلت السكة في وشه و من وقتها مارجعتش البيت تاني طبعا الحمدلله ان القسيس طلع ساذج و اتصل الاول بس هو كان لسه قسيس جديد و دا في مصلحتي لانه مايعرفش التصرف في الحالة دي ، ماكنتش لاقي مكان اسكن فيه و فضلت حوالي شهر و نص بنام في الشارع على الارصفة او على المحطات و واحدة واحدة ربنا سهل و لقيت اوضة بس عرفوا مكاني و حاولوا يقتلوني ٣ مرات و اتضربت مرة من الشباب اللي في الكنيسة بس الحمدلله ايا كان كل اللي بيحصل ارحم من عذاب جهنم ، و دي اسباب تركي للمسيحية :
١- تحريف الانجيل .
٢- الثالوث الغير مفهوم .
٣- المسيح انسان بشهادته .
٤ - مفيش فداء و كل دا وهم لان المسيح لم يذكر خطية ادم الاولى .
٥- القداسات و طريقة الصلاة مالهاش اساس في الانجيل .
٦- رسائل بولس مجرد رسايل لناس عادية ازاي تتحط في الانجيل .
٧- التناقضات الواضحة جدا في الاناجيل و العهد القديم .
٩- انتخاب المسيح اله في مجمع نيقية ٣٢٥ م وتعظيم دفاع اثناسيوس الوهمي اللي مالوش اي اصل ولا موجود نص الدفاع .
١٠- الاعتراف للقسيس و دا بني ادم ممكن يمسك عليك ذلة .
١١- حكاية سمعا و طاعة للقساوسة و الغاء العقل انا من حقي اعترض و افهم .
١٢- الانبياء اللس مفروض خير الخلق منهم زناة و بيعملوا ابشع الذنوب .
١٣- لا وجود للرهبنة في المسيحية انما هي بدعة .
١٤- اللي يكون في غير الطائفة الارثوذكسية و يدخل فيها يتعمد من جديد و لو كان متجوز يتجوز من جديد و كأن زواجه القديم دا باطل و ازاي حد كبير سواء راجل او ست يقلع كل هدومه قدام راجل غريب ايا كان دا بني ادم مش علشان قسيس يبقى ملاك .
والاسباب اللي خلتني ادخل الاسلام
١- طبعا اهم حاجة التوحيد لا اله الا الله مش الغاء عقل على حسب الثالوث
٢- الله قادر على الغفران بدون تجسد و اهانة و ضرب و لطم و سب .
٣- الاعجاز العلمي في القرآن و السنه .
٤- اقتناعي التام بكره المسيحيين للاسلام لان الاسلام هو الدين الحق و هما عايزين يشوهوه .
٥- القرآن منهج حياة و دستور و ينفع لكل زمان و مكان بعكس الانجيل اللي عجز بس عن حل مشكلة الطلاق .
٦- الله في الاسلام لا يغير رأيه لان تشريعاته تصلح لكل زمان و مكان على عكس المسيحية في العهد القديم مكتوب ان اللي يطلق مراته يعطي لها وثيقة طلاق ثم في العهد الجديد لا طلاق الا لعلة الزنا دا غير تناقضات كتير لا حصر لها .
٧- تكريم الانسان في الاسلام و تكريم المرأة و ليس اهانتها .
٨- الثواب و العقاب في المسيحية لو عشت طول عمرك ملاك و كدبت كدبة صغيرة قبل الموت هاتدخل جهنم خالد فيها و دا يتنافى مع عدل و رحمة الله في الاسلام .
٩- في الاسلام لك الحق ان تسأل و تفهم على عكس المسيحية كل سؤال يعجزوا عن الاجابة يكون الجواب "لازم تآمن و الروح القدس يملاك علشان تفهم"
١٠- الاسلام دين يسر و ليس دين عسر .
١٠- الاسلام كرم جميع الانبياء .
١١- الاسلام لم يطلب الغاء العقل و التصديق الاعمى انما كل شئ في الاسلام منطقى سهل الفهم .
